Sh0ck N D 3x4m H411 :))

ازيكو يا رجاله

اول انبارح

اللى هو يوم السبت كنا فى محاضرة كيميا قاعدين فى أمان الله

كنا على بعض كده تقريبا 9 من اصل 215 طالب

ههههههههههههه

الدكتور دخل المحاضره

شاف المنظر

اتخض

(العدد كبير طبعا لازم يتخض )

تسعه بحالهم حضرو . . يالهوىىىى معجزه

هههههههههههههههههه

بس واضح انه كانت عنده وجهة نظر تانيه

كان شايف ان تسعه عدد قليل جدا

> معندهوش بعد نظر الراجل ده 😦

المهم زهق والشيطان لعب فى دماغه وقال بعد بكره اللى هو النهارده يعنى هيبقى فيه امتحان اعمال سنه

A7a

طبعا فتحنا بؤنا

أعمال سنه مين يعم؟؟

ههههههههههههههههههه

وامتحان ايه اللى هنذاكره فى يوم ونص ده

بس هو راكب دماغه وقالنا الامتحان بعد بكره ومحدش فيكو هيعدى عشره من اربعين

كنت عايز اقوله حمرا

بس لازم نحترم الاكبر مننا بقى

ههههههههه

المهم

ابو فارس قال لازم نشغل البطيخه اللى فوق رقبتنا دى يعنى

مادة ايه اللى هتتذاكر فى يوم ونص دى؟؟؟؟؟؟؟

الدكتور ده انا دارسه دراسه من السنه اللى فاتت

هو واحد فافى كده من الجماعه بتوع دادى ومامى

داده شغال رئيس قسم برضه ومامى شغاله دكتورة مش عارف فى قسم ايه

بايضاله فى القفص يعنى

ومبيفهمش حاجه

وأهم من ده كله

طفل بمعنى الكلمه . . بيحب العند اوى

ودى اللى ابو فارس استغلها

ههههههههههه

بعد المحاضره الطويله اللى استمرت عشرين دقيقه شرح فى خلالها 29 صفحه

بمعدل صفحه ونص فى الدقيقه

> دكتور مبدع مبدع يعنى ههههه

فتحت الكتاب واخترت اسهل نقط فى الكتاب او على الاقل النقط اللى اغلب الناس مذاكراها وفاهماها كويس

ودخلتله المكتب

إزيك يا دكتور ابراهيم

بعد السلامات بقى

بعد اذنك يا دكتور بس فيه كذا جزئيه كنا عايزين حضرتك تشرحهالنا قبل الامتحان لإننا مش فاهمينها أبدا

لقيت عمك الحاج ابتسم ابتسامه خبيثه كده وقالى ورينى

وريته الجزئيات وكتبها فى ورقه عنده

وقالى مفيش وقت نشرحها

عملت نفسى زعلان بقى وليه بس يا دكتور دا احنا زى ولادك و و و

قالى لا خلاص بعد الامتحان نبقى نشرحهم

عملت نفسى زعلت بقى وقولتله سلام عليكم

انا اول ما شفته كتب الحاجات فى ورقه قلت زى الفل كده . . الحاجه دى جايه فى الامتحان جايه فى الامتحان

هههههههههههه

خرجت بره بقى والعيال مستنيين نتائج الاجتماع المثمر

قولتلهم كذا وكذا وكذا جاى فى الامتحان

بلغو الناس بقى

كل واحد يقابل واحد يقوله كذا وكذا جاى فى الامتحان بعد بكره

مين اللى قال؟؟

الدكتور قال لفارس

طبعا كانو فاكرين ان الدكتور هو اللى ملانى الكلام ده

ههههههههههههههههه

المهم مسكت الكتاب وذاكرت كل اللى خدناه تقريبا

> عشان كده مكنتش على النت

بس ركزت اوى على الجزئيات اللى كتبها الدكتور

يعنى المحاضرات كلها اتذاكرت فى 27 ساعه تقريبا

الجزئيات دى وحدها ذاكرتها 19 ساعه على الاقل

دخلنا الامتحان النهارده وكنت واثق من نفسى بقى

عامل حسابى هحل فى نص ساعه واخلع على طول

ههههههههه

المهم دخلنا اللجنه وجم المراقبين وزعو ورق الاجابه

وبعدين ورق الاسئله

واخدها وانا مبتسم طبعا

> على اساس انى ضامن الاربعين درجه فى جيبى هههههههه

قلبت الورقه وببص فيها

إيه ده يعم الحاج

هههههههههههههههههههه

مفيش ولا نقطه من اللى قولتله عليهم جم

ابص ع باقى الامتحان

أحا

ده مفيش حاجه من اللى ذاكرتها اصلا جيت

ركزت شويه كده لقيت الامتحان ع بعضه هحل فيه 4 نقط

ولو حلتهم كويس هاخد 10 درجات

هههههههههههههههههه

احا احا يعنى:))

جبت اضحك على الدكتور ضحك عليا

:))

دماغى قعدت تودى وتجيب

طب انا مش مشكله

هحاول اعوضها بعدين

بس العيال الباقيين اللى اعتمدو ع كلامى دول

هههههههههههه

سرحت مع نفسى ثوانى كده وفى نص سرحانى قولت بصوت شبه مسموع

يابن الكاااااااااااااااالب

:))

لقيت المراقب بيقولى بتقول ايه يبنى؟؟؟

قولتله القلم بيقطع يا استاذ مختار

القلم بيقططططط   عععععععععععع

قالى يبنى سمعتك من اول مره

هو الامتحان صعب ولا ايه؟؟

قولتله صعب؟؟

مين قال صعب؟

انا قولت صعب؟؟

انت هتقولنى كلام مقولتهوش ليه

:))

بعد اذنك بس يا استاذ مختار هقول كلمه للرجاله قبل ما وقت الاجابه يبدأ

اتفضل يبنى

يارجاله . . كل واحد يمسك نفسه

مش عايزين المسائل تسيب من حد

ولو حد حاسس ان الحكايه تقلب بغم لو معاه بتاع يطلعه دلوقت

هو ده وقته

واللى معاه اتنين يدى اللى ممعاهوش

احنا فى ازمه يا شباب لازم نساعد بعض

كل الشباب ضحكت طبعا لانهم فاهمين قصدى

( كنت بتكلم عن البامبرز . . اى حاجه ضد البلل تنفع فى الوقت ده يعم هههههههههه)

بدأ الوقت تبع الاجابه

وبدأت احل اللى انا عارفه

لقيت اللى ما يتسمى الدكتور داخل المدرج وبيقول ايه اخبار الامتحان

قولتله سهل يا دكتور

قالى سهل ازاى؟؟

قولتله سهل يعنى جاى من اللى ذاكرناه

هههههههههههههه

> لازم نخلينا صامدين يا رجاله

لقيته جايلى يبص فى ورقتى

انت فى السؤال الكام يبنى؟؟؟

قولتله التالت يا دكتور

بص لقانى سايب 4 صفح فاضيين وبكتب فى الخامسه

قالى والباقى محلتهوش ليه؟؟

قولتله منا بدأت باللى عارفه يا دكتور

راح قايل الامتحان ده بتاع سنه تالته بس حصل غلطه فى الكنترول واتحط فى الظرف بتاعكو

ههههههههههههههههه

قولت يعنى ده مش امتحاننا؟؟؟؟

قالى لا

كنت عايز اقوله ابوسك يا دكتور ابراهيم ولا آخده بالحضن ولا اعمل اى حاجه

ههههههههههههه

العامل لم الورق تانى وغيرلى ورقة الاجابه بورقه تانيه جديده وقالى الورق بتاعكو جاى دلوقت

هو طلع من هنا

وانا استأذنت الاستاذ مختار تانى انى اقول للناس كلمه

ياشباب اللى طلع البتاع يعينه تانى خلاص هتفرج

واللى جاى لابسه من بره يبقى يخلعه اما نخرج بقى

واللى المسائل سابت منه مليش دعوه بقى

مقولتلكو استحملو شويه

هههههههههههههههههههههههههه

الاستاذ مختار يقولى مسائل ايه وبتاع ايه؟؟؟

بقوله المعلومات يا استاذ مختار

المعلومااااااااات بتسيب من الشباب من كتر المذاكره

قالى والله يابنى انا من اول امتحان دخلتلكو فيه السنه اللى فاتت وانا بقول ان دفعتكو دى مكانها العباسيه

قولتله يا استاذ مختار بزمتك انت العباسيه ارحم ولا انك تصطبح بوش الدكتور ابراهيم كل يوم؟؟؟

فكر شويه وقالى العباسيه ارحم يبنى

ههههههههههههههههههههههههههههههه

وخلص الامتحان والحياه زى الفل

والحاجات اللى قولتها للدكتور كانت تقريبا 75% من الامتحان

وبعد ما خرجنا الرجاله عرفت الحقيقه المره

انقسمو قسمين قسم عايز يضربنى عشان لو كان الدكتور لعب بديله كنا هنروح فى داهيه

والقسم التانى شايف ان الضرب مش كفايه وانى لازم اموت

هههههههههههههههههههههههه

وخلص اليوم على خير والحمد لله

./faris

<!--more-->